نوازشریف نے خود کو بچانے کے لئے احتساب کا نظام تباہ کیا: عمران خان

0
274
imran khan

لاہور: پاکستان تحریک انصاف کے چیئرمین عمران خان نے کہا ہے کہ نوازشریف نے خود کو بچانے کے لئے احتساب کا نظام تباہ کیا.

ان خیالات کا اظہار انھوں نے لاہور میں ایون فیلڈ ریفرنس میں فیصلے پر ردعمل دیتے ہوئے کیا. ان کا کہنا تھا کہ عوام نیلسن منڈیلا جیسے لوگوں کے پیچھے نکلتے ہیں، نواز شریف کے لیے نہیں.

انھوں نے مزید کہا کہ 56 کمپنیز اور میٹروکرپشن میں شہبازشریف کانام ہے، حدیبیہ پیپز مل میں شہبازشریف کا نام بھی ہے، ملتان میٹرو کرپشن میں شہبازشریف ملوث ہیں.

عمران خان نے کہا کہ یہ چھوٹے چور نہیں، یہ بڑے ڈاکو ہیں، جو ملک کو لوٹتے ہیں، انھوں نے خود کو بچانے کے لئے احتساب کا نظام تباہ کر دیا، ہزاروں کی نہیں، اربوں کی چوری ہوئی، اس سے ملک تباہ ہوا.

ان کا کہنا تھا کہ جو قانون عام شہریوں کے لئے ہے، وہی نوازشریف کے لئے بھی ہونا چاہیے، کسی پاکستانی ملزم کو یہ چھوٹ نہیں ملتی کہ وہ باہرجا سکیں، قانون سب کے لئے ایک برابرہونا چاہیے.

عمران خان نے کہا کہ نوازشریف کو سپریم کورٹ نے گاڈ فادر کہا تھا، آصف زرداری اور نوازشریف نےمک مکا کر رکھا تھا، نوازشریف ساتھ نہ دیتا تو آصف زرداری بہت پہلےجیل میں ہوتا، پیپلزپارٹی ،ن لیگ ایک دوسرے کی کرپشن بچاتے رہے.


ایون فیلڈ ریفرنس: نوازشریف / مریم نوازکو قید کی سزا


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

The post نوازشریف نے خود کو بچانے کے لئے احتساب کا نظام تباہ کیا: عمران خان appeared first on ARYNews.tv | Urdu – Har Lamha Bakhabar.