میرے خلاف آنے والے فیصلوں کو بدلنے کی چابی عوام کے پاس ہے: نواز شریف

0
103

لاہور: سابق وزیراعظم نواز شریف نے کہا ہے کہ میرے خلاف آنے والے فیصلوں کو بدلنے کی چابی عوام کے پاس ہے.

ان خیالات کا اظہار انھوں نے یوم تکبیر کے موقع پر منعقد تقریب سے خطاب کرتے ہوئے کیا. انھوں نے کہا کہ آج نیب میں 75 ویں پیشی تھی، مریم چار گھنٹے کٹہرےمیں کھڑی رہیں، سوچنا چاہیے کہ ماجرا کیا ہے.

انھوں نے کہا کہ ایٹمی دھماکے نہ کرنے کے لئے کلنٹن نے 5 ارب ڈالر کی پیشکش کی تھی، دباؤ کے باوجود دھماکے کر کے ملک دفاع ناقابل تسخیر بنایا. دھماکوں کے بعد کلنٹن کو فون کرکے کہا کہ یہ ہماری عزت کا سوال تھا، مشرف کی طرح ایک فون پرلیٹ نہیں گیا، پاکستانیوں کا سودا نہیں کیا.

انھوں نے کہا کہ نوازشریف اورن لیگ کے ساتھ زیادتی کی جارہی ہے، دوسرے لوگوں کو آنکھ کے تارے بنا دیا گیا، نوازشریف ان کی نظرمیں پاکستان کا دشمن بن گیا ہے.

انھوں نے اسد درانی کی کتاب کا تذکرہ کرتے ہوئے کہا کہ مجھے غدارکہا گیا، لیکن جو کتابیں آرہی ہیں، ان پر کیا کہو گے، کیا وہ غداری نہیں۔

نواز شریف نے کہا کہ الیکشن مسلم لیگ ن جیت چکی ہے، میرے خلاف فیصلوں کوبدلنےکی چابی عوام کے پاس ہے، 25 جولائی 2018 کو عوام ان فیصلوں کو بدل سکتےہیں، دوبارہ نئےعزم کےساتھ کام کریں گے.

انھوں‌ نے کہا کہ میں نےآج تک کسی سے میڈیکل نہیں مانگا، مجھے چھوٹے سے اقامے پرنکال دیا، بیٹے سے تنخواہ نہیں لی تو کہا گھرجاؤ، کرپشن یا کک بیکس کاکیس لاتے، توعوام کو چہرہ نہیں دکھا سکتا تھا.


نواز شریف کا احتساب عدالت میں مسلسل واٹس ایپ کا استعمال


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

The post میرے خلاف آنے والے فیصلوں کو بدلنے کی چابی عوام کے پاس ہے: نواز شریف appeared first on ARYNews.tv | Urdu – Har Lamha Bakhabar.