قومی اسمبلی کے اجلاس میں حاضری، اراکین کی پانچ سالہ رپورٹ جاری

0
77

اسلام آباد: غیر سرکاری تنظیم فافن نے اراکین قومی اسمبلی کی پانچ سالہ حاضری رپورٹ جاری کردی جس میں بتایا گیا ہے کہ 468 اجلاسوں میں صرف 5 بار  اراکین کی تعداد 300 سے زائد رہی۔

تفصیلات کے مطابق قومی اسمبلی کا رکن بننا ہر سیاستدان کا خواب ہوتا ہے لیکن اس اسمبلی کون کتنا سنجیدہ لیتا ہے، قومی اسمبلی میں کون سارکن سب سےزیادہ حاضر ہوا،کس نےسب سےزیادہ چٹھیاں کیں  فافن کی پانچ سالہ حاضری رپورٹ نے حقائق کا پردہ چاک کردیا۔

فافن کےمطابق ایوان زیریں کا کوئی بھی رکن سو فیصد حاضری کا ریکارڈ نہ بنا سکا تاہم 12 ارکان ایسے ہیں جن کی  حاضری اکیانوے فیصد سے زائد رہی اور 6 ایسے بھی اراکین ہیں جن کی حاضری دس فیصد سے بھی کم ہے۔

غیر سرکاری تنظیم کی جانب سے جاری رپورٹ کے مطابق پانچ سال میں قومی اسمبلی کے 468 اجلاسوں میں صرف  پانچ بار ایسا ہوا کہ ارکان کی تعداد تین سو سے زائد رہی جبکہ 97 بار تعداد پوری نہ ہونے کی وجہ سے اجلاس معطل کئے گئے۔

رپورٹ کے مطابق وزیر اعظم شاہد خاقان عباسی نے  وزیراعظم بنے کے بعد دس اجلاسوں میں شرکت کی جبکہ نا اہل ہونے سے پہلے نواز شریف صرف چوالیس اجلاسوں میں شریک ہوئے۔

مختلف سیاسی جماعتوں کے پارلیمانی لیڈران میں محمود اچکزئی 369 اجلاسوں میں حاضریوں کے ساتھ سرفہرست رہے جبکہ جماعت اسلامی کے صاحبزادہ طارق اللہ دوسرے اور آل پاکستان مسلم لیگ کے افتخار الدین تیسرے نمبر پر رہے۔

فافین کی رپورٹ کے مطابق سب سے زیادہ غیر حاضر اراکین میں عمران خان، حمزہ شہباز،فریال  تالپور، فاروق ستار، چوہدری پرویزالہی اور میر ظفر اللہ خان جمالی  شامل ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

The post قومی اسمبلی کے اجلاس میں حاضری، اراکین کی پانچ سالہ رپورٹ جاری appeared first on ARYNews.tv | Urdu – Har Lamha Bakhabar.