سپریم کورٹ نے ملک بھر میں چنگچی رکشے چلانے کی مشروط اجازت دے دی

0
644

اسلام آباد : سپریم کورٹ نے ملک بھر میں چنگچی رکشے چلانے کی مشروط اجازت دیتے ہوئے ڈرائیور کیلئے لائسنس لازم قرار دے دیا۔

تفصیلات کے مطابق  سپریم کورٹ نے ملک بھر میں چنگ چی رکشوں کو چلنے کی مشروط اجازت دے دی اور چنگ چی رکشہ ڈرائیور کیلئے لائسنس لازم قرار دیا گیا ہے۔

چنگ چی رکشوں کے حوالے سے تیرہ صفحات پر مشتمل فیصلہ جسٹس گلزار احمد نے تحریر کیا، فیصلے میں چنگ چی رکشوں کوچلنے کے لیے مشروط اجازت دی گئی ہے۔

فیصلے میں کہا گیا ہے کہ چنگ چی رکشوں میں چار سے زیادہ سواریوں بٹھانے کی اجازت نہیں ہوگی جبکہ ڈرائیور کیلئے لائسنس لازم قرار دیدیا گیا اور صوبائی حکومتوں کو چنگ چی رکشے باضابطہ رجسٹر کرنے کا حکم دیا گیا ہے۔

سپریم کورٹ کے فیصلے میں چنگ چی رکشوں کیلئے مجاز حکام کا فٹنس سرٹیفکیٹ لازم قرار دینے کے ساتھ صرف منظور شدہ کمپنیوں اور ڈیزائن کے رکشوں کو چلنے کی اجازت دی گئی اور کہا گیا ہے کہ چنگچی رکشہ کی تیاری میں مسافروں اور ڈرائیورکی حفاظت یقینی بنائی جائے جب کہ عمل نہ کروانے والے اہلکاروں کے خلاف محکمانہ اور فوجداری کارروائی کرنے کا حکم دیا گیا ہے۔

فیصلے میں چنگ چی رکشوں پر روٹ اور کرایہ نامہ واضح طور پر لگانے کا بھی حکم دیا گیا ہے، صرف شرائط پر پورا اترنے والے رکشوں کو چلنے کی اجازت ہوگی۔

یاد رہے کہ سپریم کورٹ نے گزشتہ برس چنگچی رکشوں پر پابندی سے متعلق درخواست پر مختصر فیصلہ سنایا تھا اور آل سندھ چنگچی رکشہ یونین کی درخواست منظور کرتے ہوئے سندھ میں موٹرسائیکل رکشہ چلانے کی اجازت دی تھی۔ْ

واضح  رہے کہ صوبائی حکومت نے چنگچی رکشہ غیر محفوظ ہو نے کی بنیادپر پابندی عائد کی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

The post سپریم کورٹ نے ملک بھر میں چنگچی رکشے چلانے کی مشروط اجازت دے دی appeared first on ARYNews.tv | Urdu – Har Lamha Bakhabar.